سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل فرانس کے زیراہتمام مورخہ 05 فروری 2011ء بروز ہفتہ کو مرکز منہاج القرآن سارسل فرانس میں استقبال ربیع الاول کے سلسلہ میں عظیم الشان محفل منعقد ہوئی۔ محفل میں صدر منہاج القرآن انٹرنیشنل فرانس عبدالجبار بٹ، سینئر نائب صدر رانا محمد اشرف، صدر پاکستان عوامی تحریک چودھری ظفر اقبال، جنرل سیکرٹری پاکستان عوامی تحریک چودھری محمد اعظم، صدر منہاج ویلفیئر فاؤنڈیشن محمد نعیم چودھری، نائب صدر منہاج ویلفیئر فاؤنڈیشن حاجی طارق جاوید، ناظم منہاج ایجوکیشن محمد اکرم جاوید، ممبر مجلس شوریٰ محمد نعیم جوڑا، ڈائریکٹر منہاج میڈیا کوآرڈینیشن یورپ راؤ خلیل احمد اور عدنان شفقت کے علاوہ رفقاء و وابستگان اور خواتین کی کثیر تعداد نے شرکت کی۔
منہاج القرآن انٹرنیشنل ہانگ کانگ کے زیر اہتمام گذشتہ سالوں کی طرح مورخہ 5 فروری بروز ہفتہ جامع مسجد کولون کے کمیونٹی ہال میں استقبال ربیع الاول کے حوالہ سے عظیم الشان محفل نعت منعقد ہوئی۔ محفل میں نیاز محمد خان سرپرست منہاج القرآن انٹرنیشنل ہانگ کانگ، صدر پاکستان ایسوسی ایشن کیپٹن شہزادہ سلیم احمد، چیف امام جامع مسجد کولون مفتی محمد ارشد اور حاجی محمد نجیب نے خصوصی شرکت کی۔
منہاج القرآن انٹرنیشنل سپین کی مجلس شوریٰ کا اجلاس مورخہ 05 فروری 2011ء بروز ہفتہ کوحاجی ارشد محمود کی صدارت میں منہاج اسلامک سنٹر بارسلونا میں منعقد ہوا۔اجلاس کا باقاعدہ آغاز حافظ محمد عابد نے تلاوت کلام پاک سے کیا، محمد عتیق قادری نے نعت رسول مقبول صلی اللہ علیہ وآلہ وسلم کی سعادت حاصل کی۔
مورخہ 05 فروری 2011 ء بروز ہفتہ کو اوڈنسے ہال میں میلاد النبی کانفرنس منعقد ہوئی۔ منہاج القرآن یوتھ لیگ کے بھائیوں اور ویمن لیگ کی بہنوں نے محمد جمشید خان کی سربراہی میں ہال کو انتہائی خوبصورتی سے سجایا۔ کانفرنس کا باقاعدہ آغاز حافظ محمد ندیم یونس نے قرآن حکیم کی آیات بینات کی تلاوت سے کیا۔
بزم منہاج سیشن 12-2011ء کے زیراہتمام منہاج یونیورسٹی بغداد ٹاؤن کیمپس میں عظیم الشان استقبالیہ جلوس بسلسلہ میلاد النبی صلی اللہ علیہ وآلہ وسلم 5 فروری 2011ء کو منعقد ہوا۔ جلوس کی قیادت کو آرڈینیٹر بی ایس پروگرام (COSIS) پروفیسر ظفر اقبال قادری، صدر MSM منہاج یونیورسٹی محمد ذکی اور جنرل سیکرٹری بزم منہاج قاضی فہیم جیلانی، عابد محمود، سید کاظم محمود اورسید علی حسنین نے کی ۔
تحریک منہاج القرآن لودہراں کے زیراہتمام سالانہ مشعل بردار جلوس دفتر تحریک منہاج القرآن لودھراں سے نکالا گیا۔ جلوس کی قیادت ملک اسلم حماد صدر تحریک منہاج القرآن، ناظم رانا محمد ظاہر، صوبائی نائب امیر راو اسحق، چودھری عبدالغفار، حاجی عزیز بھٹی، خواجہ یعقوب، اظہر لنگاہ ایڈووکیٹ، عابد جوئیہ، سید مدثر بخاری، میلاد مصطفی کمیٹی کے صدر حاجی شیر محمد، سنی اتحاد کونسل کے حافظ اکرم کانجو، دعوت اسلامی کے رانا جمیل قادری نے کی۔
تحریک منہاج القرآن کی طرف سے ماہ ربیع الاول مبارک میں ملک بھر میں میلاد مارچز کا سلسلہ جاری ہے۔ اس حوالے سے 4 فروری 2011ء کو گجرات میں منہاج القرآن یوتھ لیگ، مصطفوی سٹوڈنٹس موومنٹ اور تحریک منہاج القرآن کی جانب سے ایک منظم اور پروقار میلاد مارچ کا اہتمام کیا گیا۔
مصطفوی سٹوڈنٹس موومنٹ لودھراں کے زیراہتمام کشمیری عوام سے اظہار یکجہتی کے لیے کشمیر ریلی 4 فروری 2011ء کو نکالی گئی۔ ریلی میں ایم ایس ایم اور تحریک منہاج القرآن لودھراں کے قائدین نے بھرپور شرکت کی۔ ریلی کی قیادت مرکزی رہنماء حافظ عبدالغفار، رضوان یوسف، رانا ظاہر، چودھری عبدالغفار، احسان اللہ، ملک سلمان ملک نعمان، قمر خان، ثقلین گجر اور ملک اشفاق نے کی۔
منہاج القرآن انٹرنیشنل فرانس کے زیر اہتمام مورخہ 04 فروری 2011 ء بروز جمعۃ المبارک کو مرکز منہاج القرآن لاکورنیو فرانس میں ماہانہ محفل گوشہ درود منعقد ہوئی۔ محفل میں منہاج ویلفیئر فاؤنڈیشن یورپ کے ڈائریکٹر علامہ حافظ محمد اقبال اعظم الازہری، ڈپٹی ڈائریکٹر منہاج القرآن فرانس علامہ محمد رازق حسین، مرکزی وعلاقائی تنظیمات کے عہدیداران کے علاوہ پاکستانی کمیونٹی کی کثیر تعداد نے شرکت کی۔
مورخہ 4 فروری 2011 کو بزم منہاج سیشن 12-2011ء کے زیراہتمام عظیم الشان استقبالیہ جلوس بسلسلہ عید میلاد النبی صلی اللہ علیہ وآلہ وسلم کا انعقاد کیا گیا جس کی قیادت وائس پرنسپل (ایڈمن) cosis علی حسین رضوی، ڈائریکٹر ایڈمن اینڈ فنانس محمد عباس نقشبندی، انچارج سٹوڈنٹ افیئرز محترم صابر حسین نقشبندی، سپرنٹنڈنٹ ہاسٹلز پروفیسر مراد علی دانش، صدر بزم منہاج سید حامد علی بخاری اور نائب صدر مدثر حسین عباسی نے کی۔ طلبہ کی کثیر تعداد اور مرکز ی سٹاف تحریک منہاج القرآن نے جلوس میں شرکت کی۔
منہاج القرآن انٹرنیشنل سپین کے زیر اہتمام مورخہ 3 فروری بروز جمعرات بعد نماز مغرب منہاج اسلامک سنٹر بارسلونا میں ماہ ربیع الاول کی آمد کے سلسلہ میں خصوصی محفل کا انعقاد کیا گیا۔ آقائے دوجہاں صلی اللہ علیہ وآلہ وسلم کی ولادت با سعادت کے بابرکت مہینہ کے استقبال کے سلسلہ میں منعقد ہونے والی محفل کا باقاعدہ آغاز حافظ محمد عابد نقشبندی نے تلاوت قرآن پاک سے کیا۔ تلاوت قرآن پاک کے بعد عاشقان رسول نے آقائے دوجہاں صلی اللہ علیہ وآلہ وسلم کی بارگاہ میں گلہائے عقیدت پیش کئے۔ حافظ محمد عاطف احتشام، محمد آصف قادری، عبدالواحدچشتی اور منہاج اسلامک سنٹر کے طلباء نے ثناخوانی کی سعادت حاصل کی۔
تحریک منہاج القرآن کا مرکزی نمائندہ تعلیمی ادارہ کالج آف شریعہ اینڈ اسلامک سائنسز کے ہونہار گریجوایٹ سید حیدر علی بخاری (منہاجین) نے فیڈرل پبلک سروس کمیشن میں اول پوزیشن حاصل کی ہے۔ وہ اس اعزاز کے ساتھ اسلام آباد ماڈل کالج کے لیے لیکچرار بھی نامزد ہوگئے ہیں۔ سید حیدر علی شاہ بخاری کالج آف شریعہ دی منہاج یونیورسٹی لاہور سے اسلامیات و عربیک میں ماسٹرز ڈگری کے علاوہ الشہادۃ الفراغ بھی رکھتے ہیں۔
مورخہ یکم فروری 2011ء بروز منگل ریاست جموں و کشمیر کے وزیر اطلاعات ڈاکٹر محمد محمود احمد ریاض بزم منہاج کی خصوصی دعوت پر تحریک منہاج القرآن کے مرکز اور COSIS کے Vist پر تشریف لائے ان کے ہمراہ چیف ایڈیٹر روز نامہ صدائے چنار امجد چوہدری اور مسلم کانفرنس آزاد کشمیر کے سینئر رہنما مولانا محمد شفیع جوش بھی موجود تھے
منہاج یونیورسٹی میں بزم قادریہ کے زیراہتمام الشیخ علی بن عثمان المعروف حضرت داتا گنج بخش علی ہجویری رحمۃ اللہ علیہ کے سالانہ عرس کے موقع پر 11 جنوری 2011ء کو ایک عظیم الشان سیمینار کا انعقاد کیا۔ اس کا عنوان ’’تعلیمات سید ہجویر اور دہشت گردی کا خاتمہ‘‘ تھا۔
منہاج القرآن انٹرنیشنل ویانا آسٹریا کے زیراہتمام مورخہ 30 جنوری 2011ء بروز اتوار کو حضرت امام حسن مجتبیٰ رضی اللہ تعالیٰ عنہ کے یوم وصال کے سلسلہ میں ہفتہ وار محفل ذکر ونعت منعقد ہوئی۔ محفل میں منہاج القرآن سے وابستہ افراد کے علاوہ پاکستانی کمیونٹی کی کثیر تعداد نے شرکت کی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
