سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے مرکزی گوشۂ درود کی مجلس ختم الصلوٰۃ علی النبیﷺ کا روحانی اجتماع مرکزی سیکرٹریٹ میں منعقد ہوا۔ جس میں اب تک پڑھا گیا درود پاک حضورﷺ کی بارگاہ میں پیش کیا گیا، تحریک منہاج القرآن کے گوشۂ درود میں 2005 سے اب تک مجموعی طور پر پڑھے گئے درود پاک کی تعداد 5 کھرب 22 ارب 62 کروڑ 90 لاکھ 77 ہزار اور573 ہو گئی ہے۔
منہاج القرآن انٹرنیشنل کینیڈا کے صدر خواجہ کامران رشید نے مورخہ 31 مئی 2022ء کو منہاج انٹرنیٹ بیورو کو دورہ کیا۔ منہاج انٹرنیٹ بیورو کے ڈائریکٹر عبدالستار منہاجین نے مہمانوں کو خوش آمدید کہا اور منہاج انٹرنیٹ بیورو کی ویب سائٹس، سافٹ وئیرز اور موبائل ایپلی کیشنز کا تعارف کروایا۔ اس موقع پر آئی ٹی مینجر محمد ثناء اللہ نے فہم دین پراجیکٹ پر تفصیلی پریزنٹیشن بھی دی جسے معزز مہمانوں نے نہایت سراہا۔
تحریک منہاج القرآن کے زیراہتمام ماہانہ مجلس ختم الصلوۃ علی النبی ﷺ کا روحانی اجتماع آج بروز ہفتہ کو مرکزی سیکرٹریٹ ماڈل ٹاؤن میں منعقد ہو گا۔ ناظم اعلیٰ تحریک منہاج القرآن خرم نواز گنڈاپور، نائب ناظم اعلیٰ انجینئر محمد رفیق نجم، سید مشرف شاہ، علامہ رانا محمد ادریس، جواد حامد، علامہ امداد اللہ قادری، علامہ میر آصف اکبر، علامہ محمد لطیف مدنی، علامہ رانا نفیس قادری، میاں ممتاز حسین سمیت جید علمائے کرام، مشائخ عظام اور معروف قراء و نعت خوان روحانی اجتماع میں شرکت کریں گے۔
شیخ الاسلام ڈاکٹر محمد طاہرالقادری نے منہاج القرآن کے رفیق، سینئر رہنما اور گوشۂ درود کے تاحیات خادم حاجی ریاض احمد قادری کے انتقال پر اظہار افسوس کرتے ہوئے اپنے تعزیتی پیغام میں کہا ہے کہ حاجی ریاض احمد قادری مخلص، نیک اور صالح انسان تھے۔ اخلاق، محبت اور خدمت گزاری کا پیکر تھے۔ حاجی ریاض احمد قادری تحریک منہاج القرآن کا اثاثہ اور دیرینہ رفیق تھے۔ گوشہ درود کے تا حیات خادم حاجی ریاض احمد قادری کی رحلت ان کے اہل خانہ اور تحریک منہاج القرآن کیلئے بہت بڑا صدامہ ہے۔ شیخ الاسلام نے کہاکہ اللہ تعالیٰ مرحوم کے درجات بلند فرمائے اور لواحقین کو صبر جمیل عطا فرمائے۔
تحریک منہاج القرآن کے زیراہتمام ماہانہ مجلس ختم الصلوۃ علی النبی ﷺ کا روحانی اجتماع 4 جون بروز ہفتہ کو مرکزی سیکرٹریٹ ماڈل ٹاؤن میں منعقد ہو گا۔ اجتماع میں جید علمائے کرام، مشائخ عظام اور معروف قراء و نعت خوان روحانی اجتماع میں شرکت کریں گے۔ مجلس ختم الصلوۃ علی النبی ﷺ کی ماہانہ محفل میں مرکزی گوشہ درود اور پاکستان سمیت ساری دنیا میں قائم حلقہ ہائے درود میں پڑھا جانے والا درود پاک حضور ﷺ کی بارگاہ میں پیش کیا جائے گا۔
منہاج القرآن انٹرنیشنل ساؤتھ افریقہ کے جنرل سیکرٹری رانا محمد آصف جمیل نے ڈاکٹر حسن محی الدین قادری سے ان کی رہائش گاہ القادریہ ہاؤس لاہور میں ملاقات کی۔ اس موقع پر انہوں نے چیئرمین سپریم کونسل کو منہاج القرآن انٹرنیشنل جنوبی افریقہ کی تنظیمی کارکردگی رپورٹ پیش کی۔
صدر آل پاکستان سمال ٹریڈرز و انڈسٹریز بابر بٹ نے وفد کے ہمراہ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے ملاقات کی۔ ملاقات میں تاجر برادری اور صنعتکاروں کو درپیش مسائل سمیت دیگر باہمی دلچسپی کے امور پر تفصیلی تبادلہ خیال ہوا۔ تاجر رہنماؤں سے گفتگو کرتے ہوئے ڈاکٹر حسن محی الدین قادری نے گفتگو کرتے ہوئے کہاکہ تاجر برادری صارفین کیلئے آسانیاں پیدا کرے اللہ رزق میں برکت دے گا۔
معروف فلم ساز، ہدایت کار، مصنف سید نور نے کہا ہے کہ ڈاکٹر طاہرالقادری اور ادارہ منہاج القرآن حقیقی معنوں میں اسلام اور انسانیت کی خدمت کر رہے ہیں۔ ڈاکٹر طاہرالقادری نے نوجوانوں کو انتہا پسندی اور تنگ نظری سے بچانے کے لئے جو کتب تحریر کیں اور ہزار ہا خطابات کئے وہ قابل فخر امن بیانیہ ہے۔ میں ڈاکٹر طاہرالقادری کی علم، ادب، اسلامی ثقافت کے فروغ کے لئے خدمات کا دل و جان سے معترف ہوں۔ ان خیالات کا اظہار انہوں نے منہاج القرآن انٹرنیشنل کے رہنماؤں ڈائریکٹر پبلک ریلیشنز شہزاد رسول چوہدری اور عبد الحفیظ چوہدری سے ملاقات کے دوران گفتگو کرتے ہوئے کیا۔
منہاج القرآن انٹرنیشنل کے ناظم اعلیٰ خرم نواز گنڈا پور نے راولپنڈی میں منہاج ویلفیئر فاؤنڈیشن راولپنڈی کے زیر اہتمام منعقدہ اجتماعی شادیوں کی تقریب سے خطاب کرتے ہوئے کہا غریب گھروں کی بیٹیوں کی شادی کے اخراجات میں مدد دینا فی زمانہ بہترین انسانی خدمت ہے بیٹیاں بوجھ نہیں رحمت ہوتی ہیں، خالق نے جنھیں مالی آسودگی کی نعمت سے نوازا وہ ضرورت مندوں کی مدد کا فرض ادا کریں، قیامت کے دن دولت مندوں سے ان کی دولت کے استعمال کے بارے میں سوال پوچھا جائے گا غریب ہمسایوں، رشتہ داروں اور مستحقین کی استطاعت رکھنے کے باوجود مدد نہ کرنے والے قیامت کے روز مجرموں کی صف میں کھڑے ہونگے، سوسائٹی کو شرم و حیا اور تہذیب و شائستگی کا گہوارہ بنانے کے لیے نکاح کی سنت کو عام اور آسان بنانا ہو گا۔
اسلامی جمہوریہ ایران کے ڈپٹی منسٹر آف اسلامک کلچر اینڈ ریلیشنز ڈاکٹر حسین روزباہ نے منہاج القرآن کے مرکزی سیکرٹریٹ میں ناظم اعلیٰ خرم نواز گنڈاپور و دیگر مرکزی راہ نماؤں سے ملاقات کی۔ اس موقع پر گفتگو کرتے ہوئے ڈاکٹر حسین روزباہ نے کہا کہ ایران کے اعلیٰ تعلیمی ادارے پاکستان کے طلباء کو ہمیشہ خوش آمدید کہتے ہیں۔ دونوں برادر اسلامی ممالک کو ایک دوسرے کے علمی، تحقیقی تجربات و مشاہدات سے استفادہ کرنا چاہیے۔
منہاج القرآن انٹرنیشنل سپین کے زیراہتمام میں 10 روزہ فن خطابت و نقابت کورس کی اختتامی تقریب بارسلونا میں منعقد ہوئی، جس میں کورس کے شرکاء بچوں میں فن خطابت و نقابت کے سرٹیفیکیٹ تقسیم کیے گئے۔ اس موقع پر فن خطابت و نقابت کورس کے ٹرینر حافظ محمد موسٰی کا کہنا تھا کہ فن تقریر سیکھنا ہر بچے کا تربیتی و تعلیمی خواب ہے اور یہی بچے ہمارا روشن مستقبل ہیں۔
کالج آف شریعہ اینڈ اسلامک سائنسز کے زیراہتمام حضرت فرید ملت ڈاکٹر فرید الدین قادری رحمۃ اللہ علیہ کے 49ویں عُرس مُبارک کی تقریب نیو کیمپس میں منعقد ہوئی، جس میں پروفیسر محمد محب اللہ اظہر نے خطاب کرتے ہوئے حضرت فرید ملتؒ کی ملک و قوم کے لیے خدامات کو سراہا۔ تقریب میں شریعہ کالج کے پروفیسرز، سٹاف ممبران اور طلبہ نے بڑی تعداد میں شرکت کی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے کہا ہے کہ مقصد حیات کے تعین کے بعد اخلاص، جہد مسلسل اور مستقل مزاجی انسان کو اس کی منزل تک پہنچاتی ہے۔ آرام طلبی، جز وقتی محنت اور بسیار خوری انسان کی ناکامی کا سبب بنتی ہے۔ کسی بھی عظیم انسان کی زندگی کو دیکھ لیں اس میں مستقل مزاجی، جہد مسلسل، احساس ذمہ داری، وقت کی قدر اور مخلوق خدا سے محبت کے اوصاف یکساں نظر آئیں گے۔ آرام طلبی اور کامیابی ایک جگہ اکٹھے نہیں ہو سکتے۔ وہ فرید ملت حضرت ڈاکٹر فرید الدین قادری رحمۃ اللہ علیہ کے 49 ویں عرس کے موقع پر خطاب کر رہے تھے۔
حضرت فرید ملت ڈاکٹر فرید الدین قادری رحمۃ اللہ علیہ کے 49ویں عُرس مُبارک کی تقریب کا آغاز چادرپوشی سے ہوا۔ اس موقع پر مزار اقدس حضرت فریدالدین قادری رحمۃ اللہ علیہ کے منتظمین، تحریک منہاج القرآن کے قائدین اور منہاج القرآن جھنگ کے قائدین کی طرف سے مزار اقدس پر چادریں چڑھائی گئیں۔
منہاج ویلفیئر فاؤنڈیشن ناروے کے صدر زرتاش بشیر اور منہاج یوتھ لیگ ناروے کے جنرل سیکرٹری حسن بشیر نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر ڈاکٹر حسن محی الدین قادری نے زرتاش بشیر اور حسن بشیر کے والد محترم لالہ بشیر احمد خان (بانی ممبر منہاج القرآن انٹرنیشنل ناروے) کے انتقال پر اظہارِ تعزیت کیا اور ان کے لیے بلندی درجات کی دعا کی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
