سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن ویمن لیگ اور ایم ایس ایم سسٹرز لیاری ٹاؤن (کراچی) کے زیراہتمام 12 نومبر کو پیغام امام حسین کانفرنس کا انعقاد کیا گیا جس میں خواتین کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا بعد ازاں حضرت امام حیسن علیہ السلام کی بارگاہ میں منقبت پیش کی گئی۔ اس موقع پر رابعہ انور ناظمہ تربیت کراچی ڈویژن، مس انیلہ ناظمہ دعوت کراچی ڈویژن، ریحانہ جاوید ناظمہ لیاری ٹاؤن کراچی نے خصوصی شرکت کی۔
منہاج القرآن انٹرنیشنل فرانس کے اسلامک سنٹر میں مورخہ 19 نومبر 2013 کو پاکستانی کمیونٹی کے رفقاء چودھری منور حسین ( بیوال گوجر خان) محمد بخش(سرگودھا) اور سہیل میر(لاہور) کی والدہ کی نماز جنازہ اجتماعی طور پر ادا کی گئی۔
تحریک منہاج القرآن وہاڑی کے زیراہتمام درس عرفان القرآن منعقد ہوا جس میں علامہ مفتی ارشاد حسین سعیدی نے خصوصی شرکت کی۔ پروگرام کا باقاعدہ آغاز صحیفہ انقلاب کی آیات بینات سے کیا گیا جس کی سعادت گوہر علی قادری نے حاصل کی، بعد ازاں تاجدار کائنات صلی اللہ علیہ وآلہ وسلم کی بارگاہ میں راؤ سجاد قادری نے گلہائے عقیدت نچھاور کیے۔ اس موقع پر ضلعی امیر ڈاکٹر منیر، صدر TMQ وہاڑی چوہدری اقبال یوسف، صدر منہاج القرآن یوتھ لیگ وقار عظیم لودھی، صدر ایم ایس ایم میاں ثاقب اکرم کے علاوہ مرد وخواتین نے کثیر تعداد میں شرکت کی۔
تحریک منہاج القرآن گوجرہ کے زیراہتمام سنگم میرج ہال گوجرہ ضلع ٹوبہ ٹیک سنگھ میں فہم دین سیمینار کا انعقاد کیا گیا جس میں خصوصی شرکت علامہ رانا محمد ادریس نے کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ بعد ازاں علامہ رانا محمد ادریس نے خصوصی خطاب کیا۔ تقریب میں تحریک منہاج القرآن کے جملہ فورمز کے عہدیداران کے ساتھ ساتھ مرد و خواتین کی کثیر تعداد بھی شریک تھی۔
تحریک منہاج القرآن گوجرخان کے زیراہتمام 10 محرم الحرام صبح 10 بجے گوجرخان چوک میں مولائے کائنات علی المرتضیٰ کرم اللہ وجہہ الکریم کے خانوادے کی عظیم قربانی اور سیدالشہداء امام عالی مقام امام حسین علیہ السلام کی یاد میں’’دودھ کی سبیل بیاد شہدائے کربلا‘‘ کا انعقاد کیا گیا۔ ختم پاک اور خصوصی دُعا کیساتھ سبیل کا آغاز کیاگیا جو شام 4 بجے تک جاری رہی۔
منہاج القرآن دی ہیگ کے زیر اہتمام مورخہ 18 نومبر 2013 کوشہادت امام حسین رضی اللہ عنہ کانفرنس منعقد ہوئی جس میں گرد ونواح سے بڑی تعداد نے شرکت کی۔ کانفرنس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔
مصطفوی سٹوڈنٹس موومنٹ لاہور کے زیراہتمام 17 نومبر 2013 کو لاہور پریس کلب کے باہر 12:30 بجے دوپہر، پاک آرمی شہداء کی توہین کیخلاف اور راولپنڈی سانحہ پر پاکستانی قوم بلخصوص علماء کو ایک پلیٹ فارم پر اکٹھا کرنے اور پاکستان میں امن و امان قائم رکھنے کی دعوت دینے کیلئے بھر پور امن مارچ (پاک آرمی زندہ باد طلباء ریلی) منعقد ہوئی۔
پاکستان عوامی تحریک میرپور خاص، سندھ کے زیراہتمام 17 نومبر 2013ء کو ورکرز کنونشن منعقد ہوا جس میں پاکستان عوامی تحریک کے مرکزی صدر شیخ زاہد فیاض نے بطور مہمان خصوصی شرکت کی۔ اس موقع پر انہوں نے ورکرز سے خطاب کرتے ہوئے کہا کہ انقلابی کارکنو آپ کو قائد نے ایک کروڑ کارکنان کی تیاری کے لیے حکم دیا ہے، شب و روز ایک کر کے گھر گھر پیغام پہنچائیں، ہر شخص تک قائد کا پیغام پہنچائیں۔
محرم الحرام میں نواسۂ رسول سیدنا امام حسین کی کربلا کے میدان میں دین اسلام کی بقا و حفاظت کے لیے عظیم الشان قربانی کی یاد منائی جاتی ہے۔منہاج القرآن سنٹر آسٹریا میں بھی 17 نومبر 2013 بروز اتوار اس سلسلے میں ایک روح پرور محفل کا انعقاد کیا گیا۔ جس میں کثیر تعداد میں محبانِ آل رسول صلی اللہ علیہ وآلہ وسلم نے ذوق و شوق سے شرکت کی۔
شاعر مشرق علامہ محمد اقبال رحمۃ اللہ علیہ کے یوم پیدائش کے موقع پر تحریک منہاج القرآن راوی ٹاؤن بی کے صدر ڈاکٹر اقبال نور نے وفد کے ہمراہ شیخ الاسلام ڈاکٹر محمد طاہرالقادری کی جانب سے مزار اقبال پر حاضری دی، انہوں نے فاتحہ خوانی کی اور تحریک آزادی پاکستان میں علامہ محمد اقبال کی خدمات کو خراج تحسین پیش کیا۔ وفد میں منہاج القرآن یوتھ لیگ راوی ٹاؤن اور منہاج القرآن ویمن لیگ کی صدر بیگم اقبال نور بھی شریک تھی۔
منہاج القرآن بریشیاء کے زیر اہتمام فلسفہ شہادت امام حسین رضی اللہ عنہ کانفرنس مورخہ 16 نومبر 2013 کو سکول والے ھال میں منعقد ہوئی، جس میں گرد و نواح سے رفقاء و اراکین و پاکستانی کمیونٹی نے کثیر تعداد میں شرکت کی۔
منہاج القرآن انٹرنیشنل ڈنمارک کے صدر سید محمود شاہ (منہاجین) کی ہمشیرہ گذشتہ دنوں پاکستان میں انتقال کر گئی۔ انا للہ وانا الیہ راجعون، منہاج القرآن انٹرنیشنل ڈنمارک کے رفقاء و اراکین نے مورخہ 16 نومبر2013 کو مرحومہ کے ایصال ثواب کے لئے قرآن خوانی کی محفل کا انعقاد کیا۔
مرکز منہاج القرآن انٹرنیشنل ڈنمارک میں مورخہ 16 نومبر 2103 کو شہادت امام حسین کانفرنس کے عنوان سے ایک عظیم الشان پروگرام کا انعقاد ہوا جس میں کثیر تعدا د میں مرد و زن شریک ہوئے۔
سید فرحت حسین شاہ نے واقعہ کربلا بیان کرتے ہوئے کہا کہ حسینیت ایک فکر اور ایک نظام کا نام ہے اور یزیدیت بھی ایک فکر اور نظام کا نام ہے۔ آج ہمیں دوبارہ حسینی کردار کو زندہ کرنا ہے اور ہم حضرت امام حسین علیہ السلام اور ان کے پورے خانوادے کو اس صورت میں خراج عقیدت پیش کر سکتے ہیں کہ پیغام حسین علیہ السلام ہمارے سینوں میں رچ بس جائے اور ہماری زندگیوں میں اس کا مظاہرہ عملی طور پر نطر آئے۔
ڈاکٹر محمد طاہرالقادری نے یوم عاشور پر اپنے پیغام میں کہا ہے کہ قوم آج یزیدی نظام کے خلاف اٹھنے کا عہد کرے، اس سے ملکی استحکام اور خوشحالی دونوں نصیب ہوں گی۔ امت مسلمہ اور پاکستانی قوم یزیدی رویوں کے خلاف جہد مسلسل سے ہی عظمت و رفعت سے ہمکنار ہو سکتی ہے۔ حسینیت کا درس سراپا قربانی بن کر یزیدی رویوں کے خلاف برسر پیکار رہنا اور انسانیت کو امن و سلامتی کا دائمی ماحول دینے کی جدوجہد کرتے رہنا ہے۔
4M
فیس بک
2M
ٹوٹر
© 1994 - 2026 Minhaj-ul-Quran International.
