سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
دہلی سکھ گوردوارہ مینجمنٹ کمیٹی اور ستنام انٹرپرائزز دہلی کی خصوصی دعوت پر ڈائیریکٹر انٹرفیتھ ریلیشنز منہاج القرآن انٹرنیشنل سہیل احمد رضا یکم ستمبر 2009ء کو آٹھ روزہ دورہ پر دہلی بک فیئر میں شرکت کے لئے انڈیا گئے۔
منہاج ویلفیئر فاؤنڈیشن یورپ کے ڈائریکٹر علامہ محمد اقبال اعظم منہاجین بارسلونا سے سپین کے شمال میں واقع شہر لوگرنیو کے دورہ پر تشریف لے گئے۔ آپ کا یہ دورہ مورخہ 9 ستمبر بروز اتوار کو ہوا۔ اس دورہ میں منہاج یوتھ لیگ سپین کے ممبر خرم شبیر بھی آپ کے ہمراہ تھے۔
تحریک منہاج القرآن کے سینئر نائب ناظم اعلیٰ اور شہر اعتکاف 2009ء کمیٹی کے سربراہ شیخ زاہد فیاض نے شہر اعتکاف جامع المنہاج ٹاؤن شپ میں شہر اعتکاف کی تیاریوں کے حوالے سے پریس بریفنگ دیتے ہوئے کہا کہ حرمین شریفین کے بعد اسلامی دنیا کے سب سے بڑے اجتماعی اعتکاف میں اندورن ملک و بیرونی ممالک سے ہزاروں افراد شہر اعتکاف میں معتکف ہوں گے۔
مرکز منہاج القرآن انٹرنیشنل فرانس، گارج لے گونس سارسل میں ایک یہودی پیئر دائیری نے جمعہ کی نماز میں اسلام کی حقانیت کو تسلیم کرتے ہوئے ڈائریکٹر مرکز سارسل قاری طاہر عباس کے ہاتھ پر اسلام قبول کیا۔ ان کا نیا نام محمد ناصر رکھا گیا۔
4 ستمبر بروز جمعۃ المبارک کو منہاج ویلفیئر فاؤنڈیشن یورپ کے ڈائریکٹر علامہ محمد اقبال اعظم منہاجین نے بارسلونا کے قریبی شہر بادالونا Badalona میں نماز جمعہ کے اجتماع سے خطاب کیا۔ انہوں نے اپنا خطاب میں منہاج ویلفیئر فاؤنڈیشن کے زیر اہتمام یتیم بچوں کی کفالت کے عظیم منصوبہ آغوش کے بارے معلومات دیں اور بتایا کہ حدیث نبوی صلی اللہ علیہ وآلہ وسلم کے مطابق یتیم بچے کی کفالت کرنے والا قیامت کے دن آقا دو جہاں صلی اللہ علیہ وآلہ وسلم کے بالکل قریب ہو گا اتنا قریب جیسے ایک ہاتھ کی دو انگلیاں آپس میں قریب ہوتی ہیں
ناروے کی Blindern یونیورسٹی میں مسلم سٹوڈنٹ سپفن کے زیر اہتمام ایک تقریب سے ناروے کے وزیر خارجہ Jonas Ghar Store اور کرسچین پبلک پارٹی کی مرکزی رہنما Janne Haland Matlary نے شرکت کی۔ تقریب میں مسلمان طلبہ کے علاوہ بڑی تعداد میں نارویجن سٹوڈنٹس کے علاوہ مختلف سیاسی اور سماجی تنظیمات نے بھی شرکت کی۔
منہاج القران ویمن لیگ ناروے کے زیر اہتمام ایک عظیم الشان سیرت کانفرنس حضرت سیدہ کائنات فاطمۃ الزھراء کا انعقاد کیا گیا جس میں کثیر تعداد میں خواتین نے اوسلو اور گرد و نواح سے شرکت کی۔ پروگرام کا باقاعدہ آغاز تلاوت کلام پاک سے کیا گیا جس کی سعادت فاطمہ ظفر کے حصہ میں آئی، انہوں نے اپنی پُرسوز آواز میں سورہ رحمن کی تلاوت کی اور حاضرین محفل کو کلام الہی سے سرُور بخشا۔
منہاج القرآن انڈیا کے زیراہتمام حیدرآباد میں گزشتہ دنوں محفل نعت و سماع کا انعقاد کیا گیا۔ محفل کا آغاز تلاوت قرآن و نعت رسول مقبول صلی اللہ علیہ وآلہ وسلم سے ہوا۔ اس کے بعد محفل سماع منعقد کی گئی۔ محفل میں منہاج القرآن انٹرنیشنل انڈیا کے صدر سید حیات اللہ قادری سمیت دیگر سینئر قائدین نے خصوصی طور پر شرکت کی اور محفل پاک میں حیدرآباد کے قرب و جوارسے لوگوں کی کثیر تعداد نے شرکت کی۔
تحريک منہاج القرآن ڈسکہ کے زيراہتمام سالانہ رمضان پیکج کی تقسیم کا اہتمام کيا گيا۔ اس سلسلہ ميں تحريک کے تحصیلی دفتر ڈسکہ ميں پروقار تقريب منعقد کي گئي۔ جس ميں ناروے سے عبدالرحمٰن بھٹی، منہاج القرآن انٹرنيشنل ناروے کے ڈائریکٹر علامہ نور احمد نور، تحريک منہاج القرآن ڈسکہ کے تحصيلی صدر اسلم قادری، تحصیل ناظم صفدر علی بٹ اور ديگر معزز شخصيات بھي مہمانوں ميں شامل تھيں۔
مفتیء اعظم پاکستان مفتی عبدالقیوم خان ہزاروی ان دنوں یورپ کے دعوتی و تربیتی دورے پر ہیں۔ آپ نے اس دورے میں مرکز منہاج القرآن فرانس میں جمہ کے اجتماع سے خطاب فرمایا۔ رمضان المبارک اور مفتی صاحب کی آمد کی وجہ سے لوگوں کی کثیر تعداد نے شرکت کی۔
منہاج القرآن یوتھ لیگ بنگلہ دیش کے زیراہتمام بھی اس سال چٹاگانگ میں خصوصی افطاری کا اہتمام کیا گیا ہے جس میں روزانہ سینکڑوں افراد افطاری کرتے ہیں۔
ATIB کے تعاون سے منہاج ویلفیئر فاؤنڈیشن کے زیرانتظام زیر تعمیر پراجیکٹس میں منہاج پبلک اسکول و اسلامک سنٹر پٹہیکہ تحصیل نصیر آباد کی تعمیر مکمل ہو چکی ہے۔ اس سال اسکول میں نرسری تا سوئم کلاسز کا آغاز بھی ہو چکا ہے۔
منہاج القرآن انٹرنیشنل نے پاکستان کو 63 واں یوم آزادی ملک بھر کے علاوہ بیرون ملک بھی جوش و خروش سے منایا۔ اس سلسلہ میں بارسلونا، سپین میں منہاج القرآن ویمن لیگ کے زیراہتمام 14 اگست 2009ء کو جشن آزادی کا خصوصی پروگرام منہاج اسلامک سنٹر بارسلونا میں منعقد کیا گیا۔
منہاج القرآن ویمن لیگ کے زیراہتمام 5ویں سالانہ سیدہ فاطمۃ الزہرہ سلام اللہ علیہا کانفرنس کا انعقاد لاہور Pearl Continental Hotal crystal Hall میں مورخہ 29 اگست 2009ء کو کیا گیا۔ جس کی صدارت شیخ الاسلام ڈاکٹر محمد طاہرالقادری کی دختر محترمہ قرۃ العین فاطمہ نے کی۔ وفاقی وزیر محترمہ ثمینہ گھرکی، پاکستان پیپلز پارٹی کی سیکرٹری اطلاعات محترمہ فوزیہ وہاب، ممبر صوبائی اسمبلی ڈاکٹر عاصمہ ممدوٹ، ممبر صوبائی اسمبلی عظمیٰ بخاری اور ساجدہ میر مہمان خصوصی تھیں۔
منہاج القرآن انٹرنیشنل کارپی (اٹلی) کے مرکز پر گذشتہ برس کی طرح اس سال بھی اجتماعی افطاری کا اہتمام 29 اگست بروز ہفتہ کو کیا گیا جس میں کارپی اور قریبی شہروں کے لوگوں کو دعوت دی گئی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
