سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کی 71ویں سالگرہ کی مناسبت سے منہاج یونیورسٹی لاہور کے زیراہتمام منعقدہ ’’فاؤنڈرز ڈے‘‘ کی تقریب میں اظہار خیال کرتے ہوئے گورنر پنجاب چودھری محمد سرور نے کہا کہ 11 / 7 کے دہشت گرد حملوں کے بعد یورپ میں مسلمانوں کے لئے حالات بہت تکلیف دہ ہو گئے تھے ان حالات میں ڈاکٹر طاہرالقادری نے دہشت گردی کے خلاف فتویٰ دے کر ثابت کیا کہ اسلام انسانیت کا محافظ دین ہے اس کا انتہا پسندی سے کوئی تعلق نہیں ہے۔ شیخ الاسلام ڈاکٹر محمد طاہرالقادری کے اس فتویٰ سے یورپ سمیت مغربی دنیا میں رہنے والے مسلمان خاندانوں کو حوصلہ ملا، یہی نہیں ڈاکٹر طاہرالقادری نے نوجوانوں کی تعلیم و تربیت کے لیے منہاج یونیورسٹی لاہور سمیت سینکڑوں ادارے بنائے جہاں قوم کے لاکھوں بچے زیور تعلیم سے آراستہ ہو رہے ہیں۔
منہاج القرآن انٹرنیشنل کے صدر، منہاج یونیورسٹی لاہور کے بورڈ آف ڈائریکٹرز کے ڈپٹی چیئرمین ڈاکٹر حسین محی الدین قادری نے جامع شیخ الاسلام ماڈل ٹاؤن لاہور میں جمعۃ المبارک کے اجتماع سے خطاب کرتے ہوئے کہا کہ اسلام نے انسان کو درپیش چیلنجز اور جملہ جسمانی، نفسیاتی عوارض کے حوالے سے جامع رہنمائی مہیا کی ہے۔ اسلام نے اینگر مینجمنٹ کے حوالے سے جو گائیڈ لائن دی ہے آج کی جدید نفسیاتی سائنس اس کی توثیق کر رہی ہے۔
منہاج القران انٹرنیشنل فرانس کے سرپرست ظفر اقبال چوہدری کے والد گرامی انتقال کر گئے (اِنّا لِلّٰهِ وَاِنّا اِلَيْهِ رَاجِعُوْن)۔ ان کے انتقال پر شیخ الا سلام ڈاکٹر محمد طاہرالقادری، چیئرمین سپریم کونسل منہاج القران انٹرنیشنل ڈاکٹر حسن محی الدین قادری، صدر منہاج القران انٹرنیشنل ڈاکٹر حسین محی الدین قادری، نائب صدر منہاج القران انٹرنیشنل برگیڈئیر ریٹائرڈ اقبال احمد خان، ناظم اعلی تحریک منہاج القران خرم نواز گنڈاپور، اور ناظم امور خارجہ جی ایم ملک نے ظفر اقبال چوہدری اور ان کے اہلِ خانہ اور خاندان کے دیگر افراد سے تعزیت کی ہے۔
منہاج القرآن کھپرو اور مصطفوی سٹوڈنٹس موومنٹ کھپرو سندھ کے زیراہتمام شیخ الاسلام ڈاکٹر محمد طاہرالقادری کی71ویں سالگرہ پر تقریب کا انعقاد کیا گیا، تقریب کی صدارت مخدوم ندیم احمد ہاشمی، نائب ناظم اعلی تحریک منہاج القران سندھ نے کی۔ اس موقع پر دونوں فورمز کے قائدین و کارکنان نے شرکت کی اور شیخ الاسلام کی سالگرہ کا کیک کاٹا گیا۔
تحریک منہاج القرآن قاضی احمد ضلع نواب شاہ کے زیراہتمام شیخ الاسلام ڈاکٹر محمد طاہرالقادری کی 71 ویں سالگرہ کا کیک کاٹا گیا۔ اس موقع پر منعقدہ تقریب میں مرکزی ناظم اعلی سندھ تحریک منہاج القرآن مخدوم ندیم ہاشمی نے تقریب میں خصوصی شرکت کی۔ تقریب میں فقیر عیسیٰ، تحریک منہاج القرآن نواب شاہ کے امیر علامہ حافظ محمد احمد، تحریک منہاج القرآن کوآرڈینیٹر آپر سندھ عبدالستار چوہان، صوبائی صدر مصطفوی سٹوڈنٹس موومنٹ علی قریشی، نائب صدر ایم ایس ایم یاسر کھوسو اور منہاج القرآن قاضی احمد کے ذمہ داران و کارکنان نے بھی شرکت کی۔
حضرت مولا علی علیہ السلام کے یوم ولادت کے موقع پر 13 رجب 15 فروری 2022ء کو مرکزی سیکرٹریٹ میں ’’یوم علی‘‘ تقریب منعقد ہوئی، اس موقع پر بریگیڈئر ریٹائرڈ اقبال احمد خان، ناظم امور خارجہ جی ایم ملک اور دیگر قائدین نے کیک کاٹا اور تمام سٹاف ممبران کو یوم علی کی مبارکباد پیش کی۔ تقریب میں جی ایم ملک نے اظہار خیال کرتے ہوئے کہا کہ یوم علی منانا تحریک منہاج القرآن کی بنیادی تعلیمات کا حصہ ہے، شیخ الاسلام ڈاکٹر محمد طاہرالقادری نے ہمیشہ سیدنا علیٰ المرتضیٰ علیہ السلام کی علمی و عملی تعلیمات کو دنیا تک پہنچایا ہے
منہاج القرآن انٹرنیشنل کے مرکزی سیکرٹریٹ میں شیخ الاسلام ڈاکٹر محمد طاہرالقادری کی 71ویں سالگرہ کے موقع پر منہاجینز فورم کے زیراہتمام منعقدہ خصوصی تقریب میں اظہار خیال کرتے ہوئے پاکستان پیپلز پارٹی کے سینئر رہنما سابق وفاقی وزیر قمرالزمان کائرہ نے کہا کہ ڈاکٹر طاہرالقادری نے بین المذاہب ردواداری، بین المسالک ہم آہنگی، اتحاد امت، فروغ علم و امن کیلئے جتنا کام کیا وہ ہمارے عہد کا بے مثال کام ہے۔ وہ اس دور میں ایک علمی تربیتی درسگاہ کی حیثیت رکھتے ہیں۔ انہوں نے زندگی کے ہر شعبے میں اصلاحات کا شعور دیا۔
تحریک منہاج القرآن کی مرکزی نظامت امور خارجہ کے زیراہتمام شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں قائد ڈے تقریب کا اہتمام کیا گیا، اس موقع پر ناظم اعلیٰ خرم نواز گنڈاپور، نائب صدر منہاج القرآن بریگیڈئر ریٹائرڈ اقبال احمد خان اور ڈائریکٹر نظامت خارجہ جی ایم ملک نے الگ الگ کیک کاٹے۔ تقریب میں نظامت امور خارجہ کے سٹاف ممبران اور دیگر قائدین نے بھی شرکت کی۔
تحریک منہاج القرآن آئرلینڈ کی ایگزیکٹو کونسل کا پورٹ لیش کے ایک مقامی ریسٹورانٹ گریل اینڈ چیل میں اجلاس منعقد ہوا جس میں تحریک منہاج القرآن آئرلینڈ کی تمام ایگزیکٹیو کونسل کے علاوہ ڈبلن، لمرک، کارلو اور پورٹ لیش کی اہم شخصیات نے شرکت کی۔ اجلاس میں 27 فروری بروز اتوار پورٹ لیش میں پیس کانفرنس بسلسلہ شیخ الاسلام ڈاکٹر محمد طاہرالقادری کی71 ویں سالگرہ کے انعقاد بارے بھی انتظامات کا جائزہ لیا گیا۔
منہاج انٹرنیٹ بیورو اور آئی ٹی کے زیراہتمام مرکزی سیکرٹریٹ کے کانفرنس ہال میں منعقدہ قائد ڈے تقریب سے گفتگو کرتے ہوئے صدر منہاج القرآن ڈاکٹر حسین محی الدین قادری نے کہا کہ اخلاص نیت ہی کامیابی کی ضمانت ہے۔ اخلاص اور استقامت کے ساتھ مشن سے جڑے رہنے میں بڑی برکات ہیں۔ انہوں نے مزید کہا کہ تحریک منہاج القرآن نے انٹرنیٹ اور جدید ٹیکنالوجی کے استعمال میں ہمیشہ پہل کی اور شیخ الاسلام ڈاکٹر محمد طاہرالقادری کی ہدایت پر مشن کا دعوتی پیغام ہمیشہ جدید ذرائع کے ساتھ پیش کیا ہے۔
صدر منہاج القرآن انٹرنیشنل ڈاکٹر حسین محی الدین قادری کی حضرت علیؑ کے یوم ولادت اور جامعۃ العروۃ الوثقیٰ کے 12 ویں یوم تاسیس کے موقع پر منعقد سیمینار ’’نھج البلاغہ و منھج الولایۃ‘‘ میں خصوصی شرکت کی۔ اس موقع پر ڈاکٹر حسین محی الدین قادری نے خطاب کرتے ہوئے کہا کہ حضرت علی کرم اللہ وجہہ الکریم شارح قرآن و حدیث تھے۔ انہوں نے کہا کہ شہر علم کے دروازے حضرت علی کرم اللہ وجہہ الکریم کی ساری زندگی محبت، امن، اخوت اور اجتماعیت کے درس میں گزری۔ اسلامی تاریخ آپ کی جرأت و شجاعت اور ایمان افروز واقعات سے بھری ہوئی ہے۔ آپ کی زندگی کا ایک ایک لمحہ رشد و ہدایت کے اسباق سے مزین ہے۔
مصطفوی سٹوڈنٹس موومنٹ کے زیراہتمام حضور شیخ الاسلام ڈاکٹر محمد طاہرالقادری کی 71ویں سالگرہ کے سلسلہ میں محفل سماع بعنوان "حیدریم" مرکزی سیکرٹریٹ منہاج القرآن انٹرنیشنل میں منعقد ہوئی، جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔ محفل سماع میں نامور قوال زین زوھیب برادران اور حسنین اکبر بابا گروپ نے کلام پڑھ کر سماء باندھ دیا۔
ڈاکٹر علی اکبر الازہری کے والد گرامی اکبر علی خان اور چچا یعقوب علی خان کے ایصال ثواب کیلئے دعائیہ تقریب فرید ملّت ریسرچ انسٹیٹیوٹ میں منعقد ہوئی جس میں منہاج القرآن انٹرنیشنل کے صدر ڈاکٹر حسین محی الدین قادری نے شرکت کی اور مرحومین کے لیے بلندی درجات کی دعا بھی کی۔ دعائیہ تقریب میں مفتی عبدالقیوم ہزاروی، علامہ محمد اکرم الازہری، علامہ محمد شہزاد مجددی، علامہ بشیر نقشبندی، ڈاکٹر محمد کریم خان، ڈاکٹر محمد حسیب، علامہ عمیر اسلم، مفتی محمد رمضان سیالوی خطیب داتا دربار لاہور اور دیگر نے بھی شرکت کی۔
سیدنا علی کرم اللہ وجھہ الکریم کے یومِ ولادت کے موقع پر تحریک منہاج القرآن نوری آباد کے زیراہتمام ’شانِ علی علیہ السلام کانفرنس‘ منعقد ہوئی۔ کانفرنس سے جامعہ اسلامیہ منہاج القرآن کے فاضل علامہ فیصل نذیر الازہری نے خطاب کرتے ہوئے کہا کہ نبی اکرم ﷺ نے مولا علی علیہ السلام سے عہد فرمایا کہ مومن ہی علی سے محبت کرے گا اور منافق ہی علی سے بغض رکھے گا۔ انہوں نے کہا کہ اہل بیت اطہار اور صحابہ کرام علیہم الرضوان یک جان دو قلب ہیں۔ مولا علی علیہ السلام کی عظمت و رفعت کو گھٹانے والے قرآن وحدیث کا وسیع نظر سے مطالعہ کریں اور اپنی اصلاح کریں۔ انہوں نے کہا کہ سیدنا علی علیہ السلام سے والہانہ عقیدت و محبت ایمان کی علامت ہے۔
تحریک منہاج القرآن (بزم قادریہ) کے زیراہتمام منہاج القرآن انٹرنیشنل کے مرکزی سیکرٹریٹ میں قائم گوشۂ درود میں منہاج القرآن کے روحانی سرپرست حضور قدوۃ الاولیاء سیدنا طاہر علاؤالدین القادری الگیلانی البغدادی رحمۃ اللہ علیہ کی صاحبزادی، صاحبزادہ السید پیر محمود محی الدین القادری الگیلانی، صاحبزادہ السید پیر عبدالقادر جمال الدین القادری الگیلانی، صاحبزادہ پیر السید ضیاء الدین القادری الگیلانی کی ہمشیرہ کے ایصال ثواب کی قرآن خوانی کا اہتمام کیا گیا۔ اس موقع پر مرحومہ کے درجات کی بلندی کیلئے دعا کی گئی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
