سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن یوتھ لیگ کے مرکزی صدر شعیب طاہر نے کہا ہے کہ کرپٹ نظام کی تبدیلی کے لئے نوجوانوں کو حسینی کردار ادا کرنا ہوگا جس کے لئے منہاج القرآن یوتھ لیگ نے صف بندی کا آغاز کر دیا ہے، قائد تحریک ڈاکٹر محمد طاہرالقادری ایک کروڑ نمازیوں کی جماعت کے لیے جلد ہی کال دیں گے۔ ان خیالات کااظہار انہوں نے گزشتہ روز منہاج القرآن یوتھ لیگ، راولپنڈی، پشاور اور کشمیر کے عہدیداران کے منہاج یوتھ پارلیمنٹ کے اجلاس میں گفتگو کرتے ہوئے کیا۔
مرکزی نظامت تربیت تحریک منہاج القرآن انٹرنیشنل کے زیراہتمام تحصیل سیالکوٹ میں آئیں دین سیکھیں کورسز کا آغاز کردیا گیا ہے۔ جس کی افتتاحی تقریب یکم اکتوبر 2013ء کو مختلف مقامات پر منعقد ہوئی۔ تقریب میں مرکزی نائب ناظم تربیت مجاہد حق نواز، محمد محمود احمد قادری، سرپرست منہاج القرآن بھڑتھ حافظ معراج احمد قادری (ساؤتھ افریقہ)، صدر تحریک منہاج القرآن بھڑتھ چوہدری محمد صفدر اور ناظم تحریک منہاج القرآن بھڑتھ حاجی جمیل احمد چشتی نے شرکت کی۔
ڈاکٹر محمد طاہر القادری نے کہا ہے کہ دو سو خاندان جمہوریت کی آڑ میں عوام کے حقوق پر شب خون مارتے چلے آ رہے ہیں۔ 2کروڑ نمازیوں کی جماعت کھڑی ہونے کی دیر ہے یہ خاندان دو ہزار بھی ہوئے تو عوامی سیلاب میں خس و خاشاک کی طرح بہہ جائیں گے۔ انتخابات کے ذریعے حکومتیں تو بدلتی ہیں مگر ظالمانہ، استحصالی اور خونخوار نظام جو 66سال سے قوم کو غلامی میں جکڑے ہوئے ہے نہیں بدلتا۔
مورخہ 12 اکتوبر، بروز ہفتہ کی شام مسی ساگا مسلم کمیونٹی سینٹر کینیڈا کے زیر اہتمام ایک شاندار نعتیہ مشاعرہ منعقد ہوا، جس میں کمیونٹی کی نامور سماجی شخصیت دل محمد اور میڈیا کی معروف شخصیات جن میں ریڈیو سدا بہار کے راجہ اشرف، ریڈیو گھر آنگن کی سمینہ احمد اور اردو پوسٹ کے ایڈیٹر سید توثیف احمد شامل تھے۔ تقریب میں پاکستان اور ٹورنٹو کے نامور شعراء اور معززین نے بڑی تعداد میں شرکت فرمائی۔
منہاج القرآن انٹرنیشنل کے سابقہ ناظم اعلیٰ اور منہاج ڈویلپمنٹ فنڈ کے مینجنگ ڈائریکٹر نے 11 اکتوبر 2103 کو منہاج القرآن فرانس کا دورہ کیا، جہاں فرانس کی ایگزیکٹو کمیٹی کے اراکین نے پیرس ایئرپورٹ پہنچنے پر ڈاکٹر رحیق احمد عباسی کا شاندار استقبال کیا۔
تحریک منہاج القرآن گوجرانوالہ کے زیراہتمام 11 اکتوبر 2013ء کو دورِ حاضر کے تقاضوں کے مطابق رضاکاران کی تربیت کے لئے سوشل میڈیا ٹریننگ کیمپ کا انعقاد کیا گیا، جس میں ڈسٹرکٹ گوجرانوالہ اور گردو نواح کے علاقوں سے 30 سے زائد رضاکاران نے شرکت کی۔ اس کیمپ میں منہاج انٹرنیٹ بیورو کی تین رکنی ٹیم نے بھی شرکت کی جن میں ڈائریکٹر منہاج انٹرنیٹ بیورو عبدالستار منہاجین، مرکزی سوشل میڈیا کوآرڈینیٹراور ممبر سوشل میڈیا محمد یامین مصطفوی شامل تھے۔ پروگرام میں زونل ناظم تنظیمات گوجرانوالہ ساجد محمود بھٹی نے بھی خصوصی شرکت کی۔
نائب امیر تحریک علامہ محمد صادق قریشی حیدرآباد تنظیم کے صوبائی اجلاس میں گفتگو کرتے ہوئے کہا کہ وقت آ گیا ہے کہ ظالموں اور امراء کے سامنے سیسہ پلائی کی دیوار بن کر اپنے حقوق کے حصول کے لیے عملی طور پر نکلیں۔ انہوں نے کہا کہ شیخ الاسلام نے 23 دسمبر سے اسلام آباد لانگ مارچ اور 11 مئی کے دھرنوں کی صورت میں اذان دی تھی، اب جماعت ہونا باقی ہے۔ قائد نے کارکنان کو 2 کروڑ نمازیوں کی صف بندی کے لیے ٹارگٹ دیا ہے جس کے لیے ہمیں شب و روز ایک کر کے ہر گھر تک پیغام پہنچانا ہو گا۔
فرسودہ رسم و رواج اور غربت میں جکڑے معاشرے میں بیٹی کے ہاتھ پیلے کرنا غریب کے لیے ناممکن ہوتا جا رہا ہے۔ ان حالات میں منہاج ویلفیئر فاؤنڈیشن کے زیراہتمام 25 جوڑوں کی اجتماعی شادیوں کی پروقار تقریب منعقد ہوئی۔
تحریک منہاج القرآن پاکپتن شریف کے زیراہتمام تنظیم نو کے سلسلہ میں اجلاس 13 ستمبر 2013ء کو تحصیلی دفتر میں منعقد ہوا جس میں ضلعی و تحصیلی (پاکپتن شریف، نورپور، عارفوالہ) عہدیداران تحریک منہاج القرآن، منہاج یوتھ لیگ، ایم ایس ایم نے شرکت کی۔
ورکرز کنونشن سے خطاب کرتے ہوئے زونل ناظم دعوت محمد رضا قادری منہاجین نے کہا کہ تحریک منہاج القرآن اس صدی کی مجددانہ تحریک ہے اور تحریک کے قائد پوری دنیا میں سفیر امن کے طور پر جانے جاتے ہیں۔ انہوں نے 23 دسمبر سے لیکر 11 مئی کے تک موجودہ کرپٹ نظام انتخاب کے بارے میں جو کچھ کہا وہ اب لفظ بالفظ ٹھیک ثابت ہو رہا ہے۔
کنونشن سے خطاب کرتے ہوئے علامہ شمریز اعوان منہاجین نے کہا کہ جب کوئی عورت کسی مقصد کو حاصل کرنے کا مصمم عزم کر لیتی ہے تو دنیا کی کوئی طاقت اسے نہیں روک سکتی اور انشاء اللہ تعالیٰ مصطفوی انقلاب کیلئے منہاج القرآن ویمن لیگ کی مائیں، بہنیں، بیٹیاں تاریخی کردار ادا کریں گی اور انقلابی جدوجہد کا ہر اول دستہ ہونگی۔
تحریک منہاج القرآن رئیاں گورسیاں یونین کونسل راماں کے زیر اہتمام بیداریء شعور کنونشن مورخہ 10 اکتوبر 2013ء بروز جمعرات 4 بجے شام رہائش گاہ ماسٹر محمد آصف ناظم تحریک منہاج القرآن یونین کونسل راماں منعقد ہوا۔ کنونشن کی صدارت چوہدری محمد اسحاق صدر تحریک منہاج القرآن پی پی 4 نے کی جبکہ مہمان خصوصی محمود الحق قریشی سرپرست تحریک منہاج القرآن تھے۔
پاکستان عوامی تحریک کے سیکرٹری جنرل خرم نواز گنڈا پور نے قومی ادارے نادرا کی رپورٹ کو الیکشن کمیشن کے منہ پر طمانچہ قرار دیتے ہوئے مطالبہ کیا ہے کہ دیگر حلقوں میں ڈالے جانے والے ووٹوں کی تصدیق بھی نادرا سے کرائی جائے اس طرح الیکشن 2013 کا پول کھل جائے گا۔ ڈاکٹر طاہر القادری نے الیکشن سے قبل جو کہا انکی ہر بات وقت کے ساتھ ساتھ درست ثابت ہو رہی ہے۔ دھن، دھونس اور دھاندلی پر مبنی نظام انتخاب تباہی کا ذمہ دار ہے۔
مصطفوی سٹوڈنٹس موومنٹ کے 19سال مکمل ہونے پر ملک بھر میں تقاریب کا سلسلہ جاری ہے۔ اسی سلسلے میں اسلامک انٹرنیشنل یونیورسٹی اسلام آباد میں امید پاکستان طلبہ کنونشن کا انعقاد کیا گیا، جس کی صدارت مرکزی صدر ایم ایس ایم چوہدری عرفان یوسف نے کی۔ جبکہ جنرل سیکرٹری ایم ایس ایم کشمیر عثمان ڈار، رہنما پاکستان عوامی تحریک عمر ریاض عباسی، صدر ایم ایس ایم اسلامک یونیورسٹی مرزا عدنان بیگ اور دیگر طلبہ راہنما شریک تھے۔
مصطفوی سٹوڈنٹس موومنٹ کوٹلی کے زیراہتمام کوٹلی شہر میں کاروان انقلاب ریلی اور امید نو طلباء کنونشن کا انعقاد کیا گیا۔ کنونشن کے مہمان خصو صی صدر پاکستان عوامی تحریک شیخ زاہد فیا ض اور مرکزی صدر مصطفوی سٹوڈنٹس موومنٹ پاکستان عرفان یوسف تھے، جبکہ صدارت امیر کشمیر سید ابرار سرور شاہ نے کی۔ مرکزی قائدین کا کوٹلی پہنچنے پر تحصیل کوٹلی، کھوئیرٹہ، نکیال، چڑھوئی، کوٹلی یونیورسٹی، ڈگری کالج کوٹلی گلپور، بڑالی اور نڑالی سے آئے ہوئے مصطفوی کارکنان نے ریلی کی صورت میں استقبال کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
